【Day 15】
今日成個下就都好悠閒，曬下太陽，聽下海浪聲，其實戲肉係日落。
Zadar最出名既景點係Greeting the sun，睇個名好多人都以為係迎接太陽出來了，但佢係為日落而黎。
Greeting the sun由總共三百塊既多層玻璃板組成，由太陽能發電。日間睇可能會覺得無咩特別，但到左夜晚就威囉。
天未黑哂時佢成為左天空既一面鏡子，反射日落既景色。到天黑哂時就會著燈，五光十色確係靚。
有人話，Greeting the sun係世上睇日落最靚既地方。雖然我無試過係世界每一個角落都睇過日落，但講真，係呢度睇日落時我不禁嘩左好多聲！
除左Greeting the sun特別外，係佢隔離仲有個叫The sea organ既東西。人手演奏音樂你就聽得多，大海彈既音樂你又聽過未？
The sea organ既原理係於海平面下起一道道既音樂管道，當海浪不斷湧進不同既管道時，就會根據海浪既大細而奏出唔同既聲音。
坐係度一邊聽住真既海浪聲，一邊聽住由海浪而彈奏既音樂聲，又真係幾特別！
會去Croatia既朋友，Zadar確係一個值得去既地方。
Blog：http://backpackersopoor.blogspot.hk/
U Blog:http://blog.ulifestyle.com.hk/blogger/backpackersopoor/
Search